Кез – келген бала көмекке мұқтаж балаларға көмек бере алады. Ең алдымен, ондай балалармен достасып, оларды кемсітпеу керекпіз. Менің кейбір құрбы – құрдастарым денсаулығында кінарат бар, дене кемістігі бар балаларды көргенде күлкіге айналдырады. Осындай көріністерді көру, әрине, мен үшін өте қиын. Жер шарын мекендеген барлық адам баласы бір-бірімізге көмектесуіміз керекпіз. Ал көмекке мұқтаж балалар үнемі қолдауды қажет етеді. Оларды қолдау, мейірім көрсету әрқайсысының жүректеріне сенімділік береді. Меніңше, ең алдымен көмекке мұқтаж балалардың жігері мықты болу керек. Сол үшін айналасындағы адамдармен көп араласу қажет. Көмекке мұқтаж балалар көбіне қалалық жерлерде орталықтара барады, ал біз сияқты ауылдық жерде бұндай балалар күні – түні үйден шықпайды. Сондықтан ауылдық жерлерде балалар үшін де қызмет орталықтары жұмыс істесе екен. Осы қызмет орталықтарында балалар өздеріне ұнаған іспен айналысу керек. Әрине, қазіргі кезде кәсіби мамандар, психологтар олармен жұмыс істейді, көп нәрсеге үйретеді. Ал менің ойымша, осындай орталықтарға біз сияқты сол балалардың замандастары шақырылса деймін, себебі оларға өз құрбыларымен араласу мейлінше қызығырақ. Біз қатысатын іс – шараларға тартылып, көпшіліктің ортасына шықса деймін. Осындай көмекке мұқтаж балалармен араласу да менің замандастарыма басқаша ой салар еді. Қазіргі кезде мен мектеп оқушысымын. Болашақта мектепті ойдағыдай бітіріп, жоғары оқу орнына түсіп, жақсы мамандық иесі болғым келеді. Өскесін қайырымдылық қорын ашқым келеді. Маған үлгі адам - Көңілбай Шүкенов. Ол кісінің «Асыл адам» қоры көп мұқтаж жандарға көмек берді. Ол кісі бала кезінде әкесінен айырылған, сондықтан өмірдің қиындығын білетін адам. Мен көмекке мұқтаж балаларға балалық шақтары керемет өткенін қалаймын. Оларға сенімділік бергім келеді. Мен оларға аспандағы күн болғым келеді. Оларды жақсылыққа баулып, мейірімділік көрсеткім келеді. Әр адамның өз өмірінің арманы болу керек. Сол арманға сәйкес мақсат қоя білу керек. Сондықтан, достар, көмекке мұқтаж балалаға көмектесейік.! Жоқ, көмекке мұқтаж барлық жандарға көмектесейік!
Әнуарбек Мөлдір, 6-сынып оқушысы УСШ Единая детская юношеская организация «ЖасУлан» Ерейментауского района "Как дети могут помочь детям?"
Молдир, жарайсын!