Жауын – ауа-райының ажырамас бөлігі. Кей адамдар оны жақсы көріп, бір құдіретті күшке теңейді, ал кейбіреулер жаңбырды жәй ғана ауа-райының жағымсыз бір құбылысы деп қарайды.
Ал бүгін біз сіздерге аталған табиғаттың тамашасы туралы қызықты деректерді ұсынамыз.
1. Жер шарындағы ең құрғақ жер Антарктидадағы құрғақ алқап болып саналады — онда миллиондаған жылдан бері бір тамшы жаңбыр жаумаған.
2. Ал ғаламшарымыздағы ең жаңбырлы орын — АҚШ, Гавайи штатындағы Вайелеале тауы.
3. Уганда тұрғындарын найзағаймен қорқыту мүмкін емес, өйткені мұнда жылына 250 рет найзағайлы жаңбыр жауады екен.
4. Жаңбыр радиодағы ауа райы болжамының пайда болуына себін тигізген. Америкадағы радиостанция иесі жауын астында қалғандықтан, тәулігіне бірнеше рет жаңбыр туралы хабар беретін жаңа айдар ашыпты.
5. Ботсванада адамдар «пула» деп сәлемдеседі. Бұл сөз «жаңбыр» деген мағына береді. Сонымен қатар, ел валютасы да «жаңбыр» деп аталады.
6. Кубада жаңбыр тек түскі уақытта, ал Тайландта тек түнде жауады екен.
7. XVII ғасырда Ұлыбританияда жаңбыр туралы заң қабылданды. Заң бойынша жаңбырды дұрыс болжамаған синоптиктің басы алынды.
8. Шөл далада жаңбыр астында құрғақ күйде қалуға болады. Шын мәнінде, шөлді жерде жаңбыр жауады, бірақ бұны байқау мүмкін емес. Себебі ыстық ауаның әсерінен жаңбыр тамшылары жерге жетпей құрғап кетеді.
9. Гидрометорталықтың жаңбырға қатысты барлық сөзі нақты мағынаға ие. Мысалы, «Өткінші жаңбыр жауады» (кратковременный дождь) делінсе, жаңбыр жаууының ұзақтығы 3 сағатқа дейін ғана созылуы мүмкін. «Жаңбыр күтілуде» (ожидается дождь) деген тіркес жауынның ұзақтығы жарты тәуліктен кем болмайтынын білдіреді.
10. Индиядағы Черрапунджи – әлемдегі ең жаңбырлы қала. Бұл жерде жылына 26 460 мм жаңбыр жауады.
11. Огайо штатының Уайнсберг қалашығында жыл сайын 29 шілдеде жаңбыр жауады. Бұл жағдай жүз жылдан бері қайталанып келеді.
12. Жыл сайын жер бетіне 519 000 км³ жаңбыр жауады. Әр км³ 1миллиард тонна суды құрайды.
13. Шамамен әр миллионнан бір адам жаңбырға деген аллергиядан зардап шегеді. Мұндай адамның денесіне тиген кез келген тамшыдан қызару пайда болып, жаңбыр астында қалып қою өлімге душар етеді.
14. Ең ауыр жауын 14.04.86 Гопалгандж қаласында жауды. Әрқайсысының салмағы 1 келі болатын бұршақ 92 адамның өмірін қиған.
15. Жылнамаларға сәйкес, 1209 жылы қазіргі Еуропаның батысында қатарынан екі жарым ай – жиырмасыншы мамырдан тоғызыншы тамызға дейін тоқтамастан жаңбыр жауған.
